Sato vs Honoridez

Grabe ang kapungot ni Kim sa iyang so-od nga amigo/a nga si Israel. Tungod kini sa pag-ilog ni Israel sa kanhi uyab ni Kim nga si Jezreel. Nasakpan ni Kim nga pwerteng gakos2x sa duha didto sa Fuente. Ang kalagot miresulta sa paghunahuna ni kim ug daotan nga butang. Kagahapon sa hapon kalit misulod si Kim sa balay ni Israel. Nakuratan si Israel kay nagdala ug kutsilyo si Kim. Kalit miluhod si Israel ug nagpakalooy kang Kim. Matud ni Israel iya ra tong nabuhat ang maong butang kay tungod sa kadepress niya sa niaging relasyon. Ug daling napasaylo ni Kim si Israel. Salamat tawn PEACE na sila.. ^_^ 

IMORTAL

http://photos-c.ak.fbcdn.net/hphotos-ak-snc4/hs157.snc4/37171_129646830421720_100001292112446_149231_6280250_s.jpg

Uso na gayud karon ang mga bampira ug mga werewolves. Tungod ba kini sa Twilight Saga? Usa sa mga naadik sa Twilight kay si Ramer. Tungod sa pagkaadik niya niini, nagpapaak siya kang Edward Cullen. Dugay na kaayo naay pagnanasa si Ramer kang Edward. Sa unang pag-tanaw pa lang niya sa Twilight, nagpanilap na si Ramer. 

"Edward is so hoooot. I want to bite him. And I want him to bite me!", mao kini ang pulong ni Ramer. Mao sa miaging kalag2x, nagpapaak gyud si Ramer kang Edward. Matud niya: "The feeling is so ORGASMIC! The best in the world!". 

Karong usa na ka bampira si Ramer, unsa kaha iang buhaton sa iyang mga amigo ug amiga? Pagbanta kamo mga kaigsoonan kay basin kamo mahimong biktima aning MANGTAS kaayo nga si Ramer. 

Birtdi Ni Berto, Pagdaog ni Gibson

Pacute kaayo ang amaw, pero bisag unsaon dili jud mahimo

Sunod-sunod jud diay ang mga birtdi sa atong mga igsoon. Karon ang birtdi ni Berto. Timing pa jud kaayo sa piniliay para sa mga ofisyales sa barangay. Mao wala nakabotar kini si Berto kang Gibson nga midagan ug SK Chairman. Dako kaayo ang kahiubos ni Gibson tungod aning panghitabo. Pero gebawi ra man pud ang kasakit kay nakadaog si Gibson man. Wala siyay kaatbang mao klaro na kaayo iyang kadaogan. Ug ang mipuli ni Gibson pagka Chief Tanod kay si Carlo jud. Unsa kaha ang iyang mabuhat pagkatanod? Masulbad kaha ang mga krimen? O siya mismo ang mangulo sa mga gubot? Atong atngan.. BTW, HAPPY BIRTHDAY BERTO.

Mga Gahi Gayud

photo courtesy of Rahima Hamis

Human sa lima buwan, nahuman na ang training ni Rahima ug Joshua uban sa ilahang mga kauban sa Batch 15 sa Advanced World Systems Inc.  Kini nagpamatood kung unsa ka utukan ang duha. Sa ilang lima ka buwan nga pagtraining, daghan kaayo sila ug nakat-unan apil na niini ang pagkat-on ug hinapon. Ang pagpasar sa maong training kay usa ka dakong lakang padulong sa tumoy sa bungtod sa kalampusan. Congratulations Rahima ug Joshua!!!

Candy Party ni Riel

courtesy of DiningCebu.com

Karong adlawa isaulog ni Riel Segarino ang iyang adlaw nga natawhan. Iyang nahunahunaan nga mag paparty kuno siya, ug giimbita niya ang tanan nga motambong sa maong party. Siguradoa nga dad-a ang inyong mga anak og inyong mga silingan nga bata kay ang maong party kay CANDY PARTY man. Daghan kaayong gekompra nga BOBOT si Riel kay mao man kini ang iyang angga(nickname) niadtong hayskul pa siya. Aduna pa kini libre nga singsing pa jud. Kung ganahan kamo makakaon ug BOBOT, adto dayon sa Tambongon, San Remigio karon. Tag 70 pesos ra ang plete padulong adto unya sulit pa jud kay makakaon pa ka ug Bobot... 

Kaye Razel Racho, Star Power

Congratulations kang Kaye Razel Racho! Naapil siya sa Star Power 20 nga usa ka star search nga show sa ABS-CBN. Grabeh kaayo ang akong kalipay mga igsoon. Sukad pa lang sa pagkanta niya niadtong estudyante pa ko sa CIT, idol na nako jud ni siya. Ala-PARAMORE kaayo ni iya talent mga igsoon. Grabeh kaanindot ang iyang tingog, ug super kagwapa pa jud. Akong geawhag ang tanan nga suportahan si Kaye. Show her our love! Weeeeee. 

Invite Ta Mo, Kay Palibre Ko

"Inom ta ninyo na! Pang libre mo!"
-Junboy-

Unsa na man gud ni? Di ba dapat ang mang invite maoy molibre. Unsa jud kaha toyo ani niya nato mga ka berks. Inom ra gyud kaha?

Usa ni ka rebelasyon nga si Junboi half Pinoy diay. Ang pangutana unsa man ang half blood niya?Atangi ang exclusive interview ni Junboy sa sunod nga gula aning istoryaha. Dili kaha half Pin*y?..pili lang sa (a,e,i).

WALAY RESPETO

Usa ka BSCS graduate(tawgon nato ug Tao A) ang naay kalagot sa usa ka tao(Tao B). Gebutyag niya nga walay kunoy respeto ang maong tao sa iyaha. Sa akong panaghinabi kang Tao A, matud niya nga kung muusab kuno si Tao B dili na jud matungkad ang iyang kasuko.  Aduna koy nahibaw-an nga gamay2x nga clues about kang Tao B pero wa ko kaila kung kinsa kini. Ang akong nasayran ra kay ang tinood nga pangalan ni Tao A kay ako mismo ang nakighinabi niya. Kamo na lay tag-an mga igsoon kung kinsa kining mga tawhana. My lips are sealed.

Riel Adunay Future sa Accenture

Gebutyag ssa tinubdang kasaligan nga gitawagan si Riel ganihang alas 5 sa hapon sa usa ka empleyado sa Accenture. Sigon sa report, karong martes na mupirma sa kontrata si Riel sa accenture. Good luck sa imong mga umaabot nga buluhaton Riel. Panglibre unya ug candy ha. 

Gibson Mubiya na Pagka Tanod

Nagdesisyon na si Chief Tanod Gibson nga moritiro na sa pagka-tanod. Iyang nahunahunaan nga mas daghan siya ug matabang kung mudagan siya pagka SK Chairman sa iyang barangay. 

"I believe that I can do more if i will serve as an SK Chairman. Hasta la victoria siempre - in english, There is always a victory to be achieved", mao kini ang geyawyaw ni Gibson sa iyang diskorso sa atubangan sa mga kabarangay . Klaro  na kaayo ang kadaogan ni Gibson kay wala man siyay kaatbang. Ang pangotana karon kay kinsa ang mupuli ni Gibson pagka Chief Tanod? Daghan ang nagaingon nga si Carlo kuno ang mupuli. Unsa pud kaha ang mabuhat ani ni Carlo? Atong atngan mga igsoon dinhi lang sa tsiwatug. 

Abnormal Activity

Usa ka makahadlok nga panghitabo ang nakuha sa cameraman sa tsiwatug. Makapanglibawt-balahibo kaayo. Tan-awa kini

.

Pangumusta

Mga kahigalaan, maayong adlaw o gabie sa inyong tanan. Kamo nagbasa sa tsiwatug kung asa walay tugpahay ang tsismis. Uban kaninyo inyong alagad Tim Yu. Dugay-dugay na sad ko wala nakasulat dinhi. Tungod kini sa kabusy kunohay. Unom na ka buwan kapin ang milabay sa adlaw sa atong pag gradwar. Kumusta na man tawn mo? Basi sa akong pagsukitsukit, daghan na sa inyo ang adunay trabaho. Murag gamay na lang ang walay trabaho siguro (apil na ko). 

Maypa manglansar na lang ta ani karong piniliay sa barangay. Haha. Katawa ko gamay. Maayo, hapit nang piniliay. Daghan na pud ang mangamang ani. Kasulay na ba mo nga gikamang? Lingaw pud ning kamang2x noh? kay makalipay pud d i. 

Nakabantay siguro mo nga aduna na tay mga blind items dinhi. Tungod kini sa suggestion ni Jacky mga isgoon. Alang sa kasayuran sa tanan, tinood ni ang mga blind items. Pero di lang gyud nako isulti kung kinsa. Confidential ni siya mga igsoon. Kamo na lang bahala ug tag-an tag-an niini. Aduna pud tay bag-o nga seksyon nga gitawag nga REALITY BITES. Mga tinood kini nga balita. Atngi ninyo dinhi ang mga updates sa atong mga higala nga ambot asa na nahimotang karon. 

Salamat sa mga tigbasa niining tsiwatug. Hinaot inyong ipadayon inyong supurta niini. 

Kini ingyong alagad, Tim Yu. Adios, babooh... 

2 in 1

Adunay lalake (di lang ko magsaba kung IT o CS, kamo lay tag-an) nga geganahan ug 2-in-1. Adunay uyab ni siya pero naa pa juy lain nga kairing-iring. Hmmmm. Kahibalo pa jud ang iyang kairing-iring nga naa na siyay uyab. Ang uyab ang wala kahibalo sa sitwasyon. Sakto ba kini? Kinsa kaha ni nga lalake? Di ko magsaba jud!  

Winston, Magtraining Na

Dili lang di ay si Rez ang dawat na sa Advanced World Systems Inc. (AWS), apil na pud di ay si Winston. Matud sa tinubdan nga kasaligan, karon Nobyembre na magsugod sa training si Winston. Nadawat na pud siya di ay sa Alliance ug kung mao pa kini iya gepili, karong Lunes na siya magsugod unta ug training. Pero ang gepili ni Winston kay ang AWS nga mao pud ang getrabahoan sa iyang sood nga mga higala nga si Rahima ug Joshua. Magkabonding na ni ug samot ang tulo. Congrats sa imong nakab-ot Winston.

Rez, Dawat na sa AWS

Gibutyag ni Vanessa sa Facebook Wall ni Rez nga dawat na si Rez sa Advanced World Systems Inc. Ang maong kompanya kay mao pud ang getrabahoan sa iyang uyab nga si Rahima. Niaging simana mitake sa programming nga exam si Rez uban ni Tim Yu, Winston ug Alberto. Labaw pa sa igit nga nagkalampati ang resulta sa exam ni Tim Yu. Sa unang pangotana pa gani sa part 2 sa programming exam, kakoyapon na siya. Ambot unsa ang gebati ni Berto sa exam. Pero kani si Rez, bryt jud ning bataa. 

Karon nga mag-uban na ang mag-uyab sa trabaho, ato jud ning makita nga molig-on pagayo ang ilang panag-uban. Conrats Rez sa imong bag-ong trabaho. 

Sir Deep, Out na?

Gebutyag sa gisaligang tinubdan nga muhawa na si Sir Deep Xavier Duites. Dungan kuno silang muhawa ni Ma'am Em. Matud sa atong tinubdan, adto na sa industry motrabaho ang duha ka magtutudlo. Unsa ba kini katinuod? Daghan pa jud kuno ang nagplano nga muhawa na. Unsaon na lang ang atong pinalanggang tunghaan? Hinaot nga naay daghan nga muapply para makapuli sa pwesto sa mga muhawa. Ug para sa muhawa, we wish you well sa inyong mga kalihokan. Salamat sa mga butang nga inyong getudlo kanamo.

Ma'am Em, Mubiya Na?

"My days as a teacher is already numbered..." - mao kini ang unang linya sa latest blog post ni Ms. Em Parac. Ania ang link sa maong post: click here.  Maibanan na gayud ang mga kyut nga magtutudlo sa CCS(College of Computer Studies) sa CIT-U. We wish you well sa mga umaabot nga buluhaton nimo Ma'am Em. Be happy and always remember nga "Di ta makadaog sa lotto kung di ta mupusta". 

Nasakitan

Aduna nay napikon tungod sa mga posts dinhi ug tungod sa mga edited movie posters. Usa ka lalake nga nahimong sentro sa kaboang sa ubang istorya ug movie posters ang miriklamo. Wala na kuno siya nalipay sa mga gepangbuhat ni Tim Yu. Matud niya, mura kuno ug walay grado ang nagdumala. Hunahunaon kuno kung ethical ba ang gebuhat o dili, kung nakapasakit ba o wala. Oh well, di man malikayan nga naa juy masakitan o masuko sa gipangbuhat sa nagdumala dinhi. Kung nakapasakit man ko sa uban, pasaylo-a ko. All you have to do is comment on the post nga you don't like it and that you want it to be deleted. Ug aksyonan dayon namo kana ug delete. Daghang salamat. 

T.G.I.S

TGIS- Thank God It's Siamoc. Mao kini ang bag-ong proyekto sa batikang direktor nga si Israel. Na inspired siya sa kaisog ug kamaayo ni Gibson sa pagsolbad ug mga krimen. Ang bida kay si Gibson mismo. Siya ang muplay sa iyang kaugalingon (dili kanang bastos nga pagdula ha). Ila kining pagasugdan ugma para ma showing inag Nobyembre 1. Tayming gayud sa kalag-kalag. 

Ang istorya kuno kay ang pagbangon sa mga patay sa minteryo. Unya kalit pangkan-on o pamaakon ang mga tao nga buhi. Matakdan kuno ang napaakan.  Dinhe gamiton ni Gibson ang iyang Batuta para ipatay sa mga Zombies. Ang kontrabida niini kay ang mura pud ug patay nga si Ramer.  Ug ang sidekick ni Ramer kay si Mr. Poor Energy Marvic. Grabe ka star-studied ang maong salida. Excited ang tanan nga motan-aw aning salidaha. Watch out for its official trailer dinhi lang sa TSIWATUG.

Basahon ni Propeta Long

Gibutyag ni Lorenz Longkines

Naay nagpakita niya miadtong Lunes

Mga panghitabo iyang nakita

Mga mahitabo karon ug ugma

Naay tingog misulti sa iyaha

Tingog sa usa ka tao nga di makita

Mikurog si Long ug siya miluhod

Pwerteng kahadlok, "Kinsa man tawn ka gud?"

"Sultian tka sa mga mahitabo

Niining kalibotan nga hapit na mabaho

Time is near ug pag-andam na Long

Isulat ang akong mga pulong."

Daling nagkuha papel ug lapis

Naminaw ug maayo sa nabati nga boses

Napulo ka adlaw si Long nagsulat

Napulo ka adlaw siya gihilanat

Way kaon ug walay katulog

Wa gayud nakahunahuna ug hikog

Iyang gisulat tanang letra

Sa mga butang nga mahitabo pa

Ug sa dihang nahuman na

Si Long nga gihirang nga Propeta

Iyang gepanganlan ang hinimo

Long For Short ang itawag ani kuno

Atngi mga igsoon mga umaabot nga report

Mga kinutlo gikan sa Long for Short

Daghan kita'g makat-unan

Mga pulong para sa tanan.

Joshua Nakuhaan

Pwerte kadako sa kasakit ni Joshua

Nakuhaan siya didto sa ilaha

Nag-away silang Junboi man gud

Iyang nawng sa bowl gimudmud

Ang looy nga si Joshua nagkabulingit

Sa pwerteng kabaho nga igit

Baho pa sa iro nga nadunot

Parehag baho ni Ramer, pareha sa iyang lobot

Ang way boot nga si Junboi

Nagpadayon ug patoratoy

Way konsinsya ning tawhana

Lagay ra ang apas kang Joshua

Si Gibson dali nagpakita dayon

Ang abtik nga Tanod Chief miaksyon

Gidakop si Junboi nga hambog

Gekumot and balhiboong itlog

Junboi gekasohan dayon

Ni Tanod Chief Gibson

Atong tan-awon mga igsoon

Ang mga panghitabo puhon

Balak Ni Winston

Dugay na nakong gibati

Mga kasakit nga akong nasinati

Sukad sa akong pagpatuli

Wa na ko nakatilaw ug lami

Sama sa paak sa hulmigas

Sakit nga dili dali nga mapapas

Mas maayo pa maghiwa ug sibuyas

Kaysa tubol nga resulta sa bayabas

Lagay nga nagbitay

Wala gayud akoy angay

Ila akong gisaway

Wa silay boot mga gi-atay

Wa ko kasabot niining akong balak

Maayo pa manglibak

Ganahan na gayud ako muhilak

Si Joseph amahan, Si Joshua sabak

Wa na koy pag-asa jud

Hasta si Wevino iya ko gilimud

Asa na ko ani paingon

Naa koy sakit labaw pa sa sip-on

Sine-Sine

Dear Tim Yu,

Just call me Cirilo. Lumad nga taga Medellin ko, sa amihanang parte sa Sugbo. But I am currently residing sa dakbayan sa Sugbo karon. I just wanna share an experience of mine sa katong second year college pa ko. Kini laging uso kaayo ang text tawn, makaadik jud. Until one time, nagpa-air ko sa akong number sa usa ka radio station sa syudad sa Sugbo which goes like this: "Hello sa mga ka bandmates nako. Ahm, wanted textmate, kanang puti then chinita...". Wa naabtan ug usa kasimana, getextan ko. Nagpaila siya as Kristine. So we texted day and night. Mao ni ang gahom sa texting jud. So after months of texting nagsabot mi nga magkita personally. Nangaon mi sa pungko2x, naglakaw2x mi sa Colon unya we decided to watch a movie. Miadto mi sa Eden Moviehouse. So we watched this movie "AGOS". Naay mga scenes sa salida nga grabeh ka hot. Wa nako malikayi nga manginit sa maong salida. Wa ko nakabantay nga nanginit pud si Kristine. Ug didto nagsugod ang paghinayhinay ug subang sa adlaw. Naghinayhinay ug dailos ang akong kamot padong sa ubos nga parte sa paraiso. Ug didto akong natanto nga GAHI man! Nakuratan gayud ako. Kalit ko nga mibugnaw. Akong gikoot, ug didto akong napamatud-an nga BATUTA man di ay kato!. Tungod sa akong kahadlok sa batuta, mikaratil ako ug dagan. Migawa ko sa sinehan ug midritso ug sakay ug jeep nga wa ko kahibalo unsa nga numero. Ang misulod ra sa akong utok kay basta makatakas lang ko. 


Naglibog ko Tim. Tinood ba kato ako gebati? Feel  nako nga na in love ko at that time nga I thought babae siya. Pero kalit nawala pagkahibaw nako sa batuta. Pero mura man ko ug makonsensya pud. Tabangi ko Tim.


Doubtful,


Cirilo


Salamat sa sulat Cirilo. Nahimoot pud ko ug gamay dah. Indeed, love is like a movie. Naay sugod, ug naa pud kataposan. Naay bida, naay kontrabida. Naay alegre, kasakit, aksyon, ug usahay love scene. Ahehe. katawa ko gamay. Back to a serious note noh, kuyaw gayud ni imo na-experienced. Para nako, iya unta ka gisultian daan nga naa siyay batuta. Naa siyay sayop pud gayud. Ug ikaw pud, wa jud ka kabantay di ay? Mura di ay gyud ug walay batuta? Hinoon, that's the power of technology. Ang batuta, pwede himoong buwak. Akong ikatambag kay pagstorya lang gud mo. Work things out. Then send us a letter after. 


Tanawa ni ninyo, usa sa akong mga paborito nga bisaya nga kanta. It's about sine pud. http://www.youtube.com/watch?v=Dxzh8BdIVKE

Romelyn, Nanghulga

Pwerteng kurog ni Cirilo sa dihang nabasa niya ang comment ni Romelyn sa iyang status sa facebook. Nagsugod ang gubot tungod sa status ni Cirilo nga : 

puro online ako mga idol, Rodney Nellas ug Romelyn Duhino...mga IDOL.....nyahahahaha

Kalit naintriga si Aika ug si Tmhiong sa maong linya. Ila dayon gisusi kung naguyab ba kaha gayud si Rodney kang Romelyn. Dali kining gihimakak ni Rodney. Matud niya, di kuno katoohan si Cirilo. Mi-comment dayon si Romelyn nga iyang birahan si Cirilo adto sa ilang tunghaan. Kini gikahadlok ni Cirilo mao misumbong siya dayon kang Chief Tanod Gibson. 

"I cannot find any reason why Cirilo should be scared of Romelyn.Dili ni niya angay ikahadlok kay naa man si Mitch nga mulaban niya. Dance troupe member man si Mitch, therefore maayo to siya mo self-defense", ang pulong ni Gibson. 

Unsa kaha ni ka dilikado ang mga pagpanghulga ni Romelyn? Piligroso ba jud kaha ang kinabuhi ni Cirilo? 

Tubag ni Carla

Dear Tim Yu,

This is a response sa imong previous post. Hinaot inyo pud paminawon ang akoang side. 6 months na mi sa akong uyab, and you are right Tim, wa koy gugma nga gibati kaniya. Ako ra kining gebuhat kay naa man siyay link kang Gibo.  I did it to have closer connection with my PRESIDENT. Pero nasakitan ko sa imohang geingon Tim nga basin gekaboangan ra nako si Carlo. No way! Tinood ni ako gebati ever since nagkaila ming duha. I found a very special love in him. Mangotana mo, "Nanong di man nako bulagan ako uyab?". The answer is simple, malooy ko. I want to find a good reason para ako siya bulagan. That's why ako geingnan si Carlo nga fight for me. Para nako, valid reason na ni kung iyang dayunon. And you said nga kung dakpon ko, basin manuhik ko. Di jud na mahitabo Tim. Di nako pasakitan si Carlo jud. Miana pud ka Tim nga di na lang mofight si Carlo kay basin atakehon saya sa kasing2x. Love is worth dying for. Mao ra na ako ikatubag nimo Tim. Naa man gani na sa Lupang Hinirang. "Ang mamatay nang dahil sa'yo". 

My message to my dear Carlo: Try me! At least put some effort. You won't regret this kung imo ning buhaton jud. I love You.

Carla

Salamat kaayo sa imong response Carla. Of course, paminawon jud namo imo side pud. Di man mi bias dinhi. Pagkasalbahis ba nimo pud oi! Sorry sa word ha. Bad au ka jud! Imo ra gekaboangan imo uyab. Pero kahibaw ka indai Carla, Sometimes love just ain't enough. Miana pud ka nga  worth dying for and gugma. I disagree. Love is worth LIVING for. Pero sige, hatagan ta mo ug chance ni Carlo. Try her Carlo! Mailhan ra man na. Matud pa ni Lolo Tinong: Once tasted, always wanted. Na hala, pagpadayon mo sa inyong gebati diha oi. 

Kini si Tim Yu. Salamat sa pagbasa. Remember, bahalag walay kaugmaon basta maugma-an. Unsaon man ang kaugmaon kung dili ka maugma-an? 

Tambag Ni Tim Yu

Dear Tim Yu,

Tawga lang ko sa pangalan nga Carlo. Pwerte kabug-at sa akong gibati karon. As in ganahan na gayud ako magsuicide gani pero mahadlok ko mamatay. Kining akong gebati kay tungod sa usa ka panghitabo sa akong kinabuhi.

Aduna koy bestfriend Tim. Tawga lang siya ug CARLA. Nagkaila-ila mi pag second year college nako. BSIT ko, ug siya kay BSCS. Classmates mi sa uban namo nga subjects ug tupad pa jud mi ug lingkoranan. Nagkadugay, nagkatam-is ang among panag-uban. Nagsigi na mi ug uban, gikan pamahaw, paniudto, panihapon ug pahayahay. Ihatod pa jud ko niya inag uli nako adto sa Minglanilla. One day, usa ka adlaw, nagis-toryahanay mi sa Library. Naabot mi sa topic nga gugma. Iya kong gipangotana sa akong mga past relationships. Ug mitobag ko nga NGSB ko (No Girlfriend Since Birth). Wa pa jud ko kasulay ug kiss, holding hands, gakos2x, o unsa pa nang buhaton sa mga mag-uyab. Nakuratan ko Tim kay pwerte niyang katawa. Dako kaayo jud siyag katawa nga kanang murag bugal2x na. Ug kalit siyang gihapak. No oi, dili ako naghapak. Gentleman man ko. Ang librarian naghapak sa iyaha. Of course, mihilom jud siya after. "Now, it's your turn", matud nako. Miangkon siya nga aduna siyay uyab. Ug sa dihang misulod sa akong ears ang mga words that are coming out from her mouth, my heart started to bleed. Ouch! Tungod sa kasakit, mibarog ko ug migawas sa library. Getextan dayon ko niya nga "Oh come on. Para kana ra? Di ka musukol? Fight for me Carlo! Please lang." . 

Naglibog na ko ron Tim. Unsa akong buhaton? Tambagi ko.

Bleedingly yours,

CARLO

Salamat sa imong sulat Carlo. Sugdan nako ni akong tubag sa usa ka quote: "ANG MANOK NGA HINIKTAN DALI MADAKPAN". I think it's obvious unsa ang akong boot ipaibot noh? Pero huna-hunaon sad nato ang mafeel sa iyang uyab kung imo siyang ilogon. Well, kung pinagga siya sa iyang uyab, aw masakitan jud to ang lalaki. 


Sa akong tan-aw, murag wala may gugma nga gebati si Carla sa iyang uyab. Kay tungod sa message nga getext niya nimo. Pero pwede pud baya nga gebinoangan ra ka ni Carla pud. Mao nay geingon nga "Unyag inag dakop sa manok kay manuhik unya?". Mao ni ang pwede mahitabo pud. Pwede manuhik ang manok nimo kung imong dakpon. Agoy, naglibog na pud ko unsa akong itambag nimo. Kung aduna kay sakit sa kasing2x, ayaw na lang ug sukol oi. Musakit unya ug samot. It may lead to Myocardial infarction. Sa bisaya pa, ATAKE SA KASING-KASING (heart attack). Oh, english na ha! According to wikipedia.com, Heart Attack is the 

interruption of blood supply to part of the heart, causing heart cells to die. It is the leading cause of death for both men and women worldwide.

Lisod ni dong Carlo. Pangita na lang ug lain oi. Daghan bitaw babae sa kalibotan. Di man mo magkasinabot ni Carla kay GIBO mana siya unya NOYNOY man ka!. Pero kung nahan jud ka, aw na hala, gukura si Carla. Sukol sa uyab! Go go!. Matud pa sa NIKE: JUST DO IT! 

Inbox : Week 1

0932-xxx-xxxx: Hi tsiwatug! Kusog kaayo mo dinhe sa Bogo City. Nice man gud inyong mga column. Wanna say hi to April. I miss you. This is Christian V.

0922-xxx-xxxx : Makawala sa kapoy jud magbasa sa inyong posts. As in di ko mabuhi kung di ko makabasa ani. Riel from Tambongon, San Remigio.

0919-359-xxxx: More power sa manunulat ani. Wanted textmate d i. Kanang gwapa ha. Taas ug ilong, itom ug buhok nga straight. Carlo of Minglanilla.

0930-158-09xx: Greetings to my family diha sa toledo. Grabeh au makalingaw inyo posts. Salamat d i sa pagpaminaw sa akoa katong misumbong ko diha sa inyong buhatan. Galagot gihapon ko ni Jezreel. - Kim from toledo.

0933-xxx-xxx: Mag-away na lang mi sa ako bf para lang makabasa ko ani jud! Keep it up. Vanessa.

Salamat sa inyong mga mensahe. Magpadayon kami sa pagpangita ug mga labing ulahing balita. Kung aduna kamoy ganahan isumbong, etype lang dinhe sa chatbox sa RIGHT SIDE sa page. Salamat kaayo. 

Ramer Nasikop

Kalit gedakop si Ramer samtang naglingkod sa nag-idgal nga dakung bato kilid sa punoan sa ilang kahoy nga manga. Kini tungod sa pagtangkil ug batuta. Gebutyag ni Gibson Siamoc, ang Chief Tanod, nga misumbong si Romelyn sa ilaha kagahapon. Si Romelyn and igsoon ni Ramer nga nakakita pud ni Ramer nga adunay kakumbati sa kama kagabii lang. 

Daling gihimakak ni Ramer ang mga pasangil sa iya sa iyang igsoon. Wala pa jud kuno siya kasulay ug kumbati sa kama. Ang batuta kuno nga iyang getangkil kay for self-defense lang kuno. Pero matud sa balaod, dili pwede magdala ang usa ka tao ug batuta kung walay permit to carry. Mipyansa na lang si Ramer pero pasakaan gehapon siya ug kaso ni Gibson. 


Pero unsa katinood ang kumbati sa kama? 

Ang Kapungot ni Kim

Dako kaayo ang pagkapungot ni Kim kang Jezreel tungod sa nahitabo nga pagpanghulga ni Gibson sa ila. 

Matud ni Kim, kalit naguna-una ug dagan kuno si Jezreel. Wala daw siya hulata man lang. Sa duha ka bulan nila nga panag-uban, permi lang kuno singkahan ni Jezreel si Kim. Kadaghan na pud nasakpan niya nga mag-uban si Winston ug Jezreel holding hands while walking. 

"Grabeh na jud ni. Di na nako makaya. It hurts a lot. I'm tired of this. Di na ko!". 

Unsa kaha ang ikatubag ni Jezreel? Atong atngan mga igsoon dinhe lang sa numero unong gisaligang tinubdan sa chismis. 

Gibson Nanghulga

Ang Chief Tanod nga si Gibson Siamoc gepasanginlang nanghulga ug mag-uyab tungod lamang sa jaywalking violation. Ang mga biktima mao si Kim ug si Jez nga duha na ka buwan nga mag-uyab.

Ang maong insidente gepablater sa mga biktima sa Tanod Office apan wa sila tagda sa mga tanod kay ang Chief of Tanod man ang nanghulga sa ilaha. Tungod niini, dinhe sa buhatan sa TsiWaTug na lang nagpasaka ug reklamo ang duha. 

Misugilon si Kim nga gikan silang duha ni Jezreel sa usa ka Lodging House kay nagcelebrate sa ilang monthsary. Gibutyag ni Jezreel nga kalit getawag ni Gibson ang mag-uyab unya kalit mikuha sa iyang batuta gikan sa iyang traysikad ug gipakita kini ngadto kanila ug nagkanayon nga "naa koy dala nga batuta. Di ni ordinaryo nga kahoy kay gikan kini sa Narra! Ako ni ehapak sa inyo ron!" 

Kalit midagan ang duha tungod sa kahadlok. Apan sa maok reklamo sa duha, wala jud sila maghisgot kung nganong nasuko si Gibson sa ilaha. UNSA KAHA ANG RASON? Tungod kaha sa SELOS? 

Kamo akong pangotan-on mga avid readers. Ecomment lang sa ubos inyong tubag kung ngano kaha nasuko si Gibson. 

Balay ni Berto Gilungkab!

Mga brep ug boxer shorts ni Berto nangawala human lungkaba ang balay niya niadtong Lunes sa gabii apan kagahapon na sa buntag nahibaw-an. 

Sigun sa report sa mga tanod nga gipangulohan ni Gibson Siamoc, alas 6 na sa buntag ganiha (Miyerkules) nahibaw-an ni Berto nga nawala na tanan niyang brep ug boxers human sa iyang pagkaligo. Nagtoo daw si Berto nga wa ra nalabhe ang mga brep mao pag Martes kay wa siyay gisul-ob nga brep. Dakong pagtoo niya nga gelabhan ra kini sa iyang mama ug nagtoo siya nga makasul-ob na siya ug brep ganihang buntag. Apan dakong pagkahibulong ni Berto nga wa gihapon iyang brep sa iyang cabinet. Iya dayong gisusi ug gepangutana iyang inahan kung asa na ang brep. Nakuratan iyang inahan kay wala man siya nakalaba ug brep. Daling mireport si Berto kang Gibson sa nahitabo (wala siya nagsul-ob ug brep pag-abot sa Tanod Station). 

"The breps that were kawatize cannot be easily found. Alangan naman ato pangtan-awon ang mga gisul-ob nga brep sa mga tao. Besides, basin babae nagkawat. Samot kalisod pangitaon. Di nato pwede ingnon ang babae nga ato tanawn iya underwear! We cannot do that you know!. We need a search warrant for that", mao kini ang gibutyag ni Gibson Siamoc. 

Matud ni Berto, magpalit na lang siya ug balik ug brep. Magpalit pud siya ug kandado sa iyang cabinet para di na makawat. 

Maayo na nga ideya Berto, sakto jud na. Hinaot, sunod pagbrep tawn. Lain au magbitay na oi! Atngi mga igsoon ang mga ulahing balita ug chismis dinhe lang sa numero uno nga gisaligang tinubdan sa Chismis. 

Junboi Miangkon Na

Miangkon na jud sa Junboi nga siya ang amahan sa gidala ni Joshua. Sa among pag-istorya, gibutyag ni Junboi nga dugay na sila naay relasyon ni Joshua apan ila lang kining gihimong sekreto tungod kay so-od sila nga amigo ni Joseph ug Christian. Matud ni Junboi nga kaduha ra daw nahitabo ang milagro sa ilaha. Wala kuno siya nagtoo nga magbunga ang ilang gibuhat. 

Gipangotana si Junboi kung aduna ba siyay plano nga pakaslan si Joshua. "Di man pwede ipakasal ang same sex gud!", mao kini iyang tubag. Atngan nato mga igsoon kung unsa ang reaksyon ni Joshua sa mga gepangbutyag ni Junboi. Dinhe lang sa Numero Uno nga gisaligang tinubdan sa mga Chismis!!!

Aldrin Gikawatan

Mokabat sa 500 pesos ang kantidad sa mga gipirata nga mga dvd ang nakawat gikan kang Aldrin Mirambel samtang nag-atang siya ug traysikad didto sa dalan sa Colon. 

Sa imbistigasyon sa mga tanod, si Chief Tanod Gibson Siamoc mibutyag nga namalit ug pirata nga dvd si Aldrin sa usa ka tindahan ug sa dihang paggawas niya sa tindahan para mag-atang ug traysikad, kalit siyang giti-onan ug pusil sa usa ka wa nailhi nga lalaki. Nakuratan si Aldrin ug gibuhian ang karton nga gisudlan sa kinumpra nga dvd ug misutoy ug dagan. Base sa pag-imbistiga ni Gibson, walay nakakita sa nahitabo mao nga wala silay suspek. T.Y. na lang kuno to ang nakuha kay pirated man pud!

Joshua Verano Buntis

Gibutyag sa kasaligan nga tinubdan nga buntis kuno ni si Joshua Verano. Si Joshua Verano kay nakahuman sa kurso nga Bachelor Of Science in Information Technology sa tunghaan nga Cebu Intitute of Technology nga usa na ka unibersidad karon. Sa nakitang katalandugon sa sitwasyon, geimbistigahan karon kung kinsa ang amahan niining gidala ni Joshua. Daghan ang nagaingon nga si Joseph Cesar kuno, pero naa usab mga tsismis nga si Christian Velasco kuno ang amahan. Mao kini ang atong atngan karon. Atong paningohaon nga maestorya si Joseph ug si Christian sa maong sitwasyon. Atngi ninyo mga igsoon ang mga uulahing kalihokan dinhe lang sa inyong kasaligan nga tibubdan  sa mga WALAY AYO NGA CHISMIS.